Արցախի խորհրդանիշ հանդիսացող Տատիկ-Պապիկի արձանի հարևանությամբ արցախցիների համար անհասկանալի պայմաններում տեղադրվել է «Արցախի բանալի» կոչվող հուշարձանը։
Հուշարձանի լուսանկարները հայտնվեցին համացանցում և մեծ աղմուկ բարձրացրեցին։
Արցախի բնակիչները «Փաստարկ» լրատվականին հայտնեցին, որ Ստեփանակերտի քաղաքապետարանից հայտնում են, թե տեղյակ չեն` ինչպես է հուշարձանը հայտնվել Արցախում։
Մեր աղբյուրները փոխանցեցին արձանի նկարահանման տեսանյութեր։
Արձանի պատվանդանի կողմին գրված են` Հայոց այբուբենը` գրաբար և ժամանակակից, «Արցախի բանալի» և «Հուռութք»: Վերջինս նշանակում է` կախարդանք, հմայիլ, թալիսման։
Արձանի վերևի մասի` բանալու բռնակի վրա պատկերված է 9 թևանի աստղը, ինչը համարվում է սլավոնական խորհրդանիշ, որը հետագայում դարձվել է մասսոնական աստղ։
Շեշտենք, որ արձանի վրա չկա Արցախը խորհրդանշող որևէ խորհրդանիշ, ինչը և հայերիս մոտ առաջացրել է արդարացի զայրույթ։
Սակայն, ամենատարօրինակը, որ վրիպել է շատերի աչքից, այն հանգամանքն է, որ հուշարձանը տեղադրվել է 2021 թվականի ապրիլի 22-ին` Հայոց Մեծ Եղեռնի հիշատակման օրվանից երկու օր առաջ։
Իսկ թե ով է արձանի հեղինակը, առայժմ ոչ ոք չգիտի։
Մանրամասն` տեսանյութում.
«Փաստարկ» լրատվականը հաջորդիվ կներկայացնի այս արձանի վրա տեղադրված խորհրդանիշների բացատրությունը։