Ղազախստանի խորհրդարանի ստորին պալատը հավանության արժանացրեց փոփոխությունների այն փաթեթը, որի համաձայն տեսողական տեղեկատվության տեղադրման ժամանակ ռուսերեն թարգմանությունը կամավոր կլինի, ոչ թե` պարտադիր: Այդ մասին հոկտեմբերի 6-ին հայտնել է informburo.kz պորտալը:
Պատգամավորները երկրորդ ընթերցմամբ ընդունեցին տեսողական տեղեկատվության վերաբերյալ փոփոխությունները և օրինագիծը ներկայացրեցին Սենատ:
Պատգամավոր Բերիկ Աբդիգալիուլին ասաց, որ փոփոխությունները նախատեսում են գովազդերի, գնացուցակների, գնապիտակների, ընտրացանկերի, ցուցիչների և այլ տեսողական տեղեկատվության պարտադիր տեղադրում պետական լեզվով, անհրաժեշտության կամ ցանկության դեպքում` ռուսերեն և (կամ) այլ լեզուներով, եթե այլ բան նախատեսված չէ Ղազախստանի Հանրապետության օրենսդրական ակտերով: