Օգոստոսի 11-ի նախօրեին Ադրբեջանը բողոքի նոտա հանձնեց Իրանի դեսպանին: Բաքուն դժգոհություն է հայտնել, որ իրանական բեռնատարները Արցախ են մտնում «առանց Ադրբեջանի իշխանությունների թույլտվության»:
Բաքվում Իսլամական Հանրապետության դեսպան Աբբաս Մուսավին կանչվել է Ադրբեջանի արտաքին գործերի նախարարություն, որտեղ բողոքի նոտա է հանձնվել Թեհրանի ներկայացուցչին: Այնտեղ նշվում էր, որ «վերջերս Իրանի Իսլամական Հանրապետությանը պատկանող տարբեր նպատակների համար նախատեսված մեքենաներն առանց պաշտոնական Բաքվի թույլտվության՝ մտնում և դուրս են գալիս Ադրբեջանի` այսպես կողված` Ղարաբաղյան շրջան»:
Ադրբեջանական կողմն ընդգծել է, որ որոշ ժամանակ առաջ բողոքն իրանական կողմին արտահայտվել էր բանավոր: Այժմ, Անդրկովկասի հանրապետության արտաքին գործերի նախարարությունը գրավոր հույս է հայտնել, որ «Իրանի նոր վարչակազմը գործնական քայլեր կձեռնարկի ՝ կանխելու երկու երկրների միջև բարեկամական և գործընկերային հարաբերությունների ոգուն չհամապատասխանող գործողությունները»: