Իտալիայի Առողջապահության Ինստիտուտն ավելի քան 97%-ով կրճատել է COVID-19-ից մահացածների պաշտոնական թիվը։ Այս մասին հոկտեմբերի 21-ին գրել է El Tempo թերթը` տեղեկացնում է Medmedia.am կայքը։
Իտալիայում պաշտոնապես 130,000 մարդ մահացել է Covid-ից, սակայն հիմա այն նվազել է` հասնելով մինչև 4,000֊ի։ Պարզվել է, որ մինչ այժմ COVID-ից գրանցված մահերի 97.1%-ը չի համապատասխանում ախտորոշմանը։
Փաստն այն է, որ իտալական հանրային առողջության ինստիտուտն առանձնացրել է հիվանդների բժշկական պատմագրերը, ովքեր մահացել են անմիջապես Covid-ից և այն հիվանդների, ում մոտ Covid-ն ուղեկցող հիվանդություն է եղել։ Այսպիսով, համաճարակի սկզբից գրանցված 130,468 պաշտոնական մահվան դեպքերից մնացել է միայն 3,783-ը։
«Մյուս բոլոր իտալացիները, ովքեր մահացել են, արդեն ունեցել են մեկից հինգ հիվանդություններ: 67-ից բարձր տարիքում կյանքից հեռացածների 7%-ն ուներ ավելի քան երեք հիվանդություն, 18%-ը՝ առնվազն երկու»,- El Tempo-ն մեջբերել է Իտալիայի Առողջապահության ինստիտուտի հայտարարությունը։
«Ինստիտուտի տվյալներով՝ իտալացիների 65,8%-ը, ովքեր վարակվել ու իբրև մահացել են Covid-ից, տառապում էին արյան բարձր ճնշմամբ, 23,5%-ը՝ դեմենցիայով, 29,3%-ը՝ շաքարախտով, իսկ 24,8%-ը՝ նախասրտերի ֆիբրիլացիայով։ 17,4%-ն ունեցել է թոքերի հիվանդություններ, 16,3%-ը` որևէ օրգանի քաղցկեղ` վերջին հինգ տարիների ընթացքում, 15,7%-ը տառապել է սրտի անբավարարությամբ»,- նշում են ինստիտուտի գիտնականները։
Այնուամենայնիվ, մի ակնկալեք, որ այլ կառավարությունները կհետևեն Իտալիայի օրինակին, քանի որ նրանցից շատերը ծախսել են իրենց վստահելիության մեծ մասը՝ խոսելով վիրուսից բխող սպառնալիքի մասին, նշում է պորտալը: Հիշեցնենք, որ Իտալիայի իշխանությունները ներկայացրել են Covid-ի անձնագիր, որը պետք է ներկայացվի աշխատավայր մտնելիս։ Այս անձնագիրը տրվում է նրանց, ովքեր պատվաստվել են կորոնավիրուսի դեմ, հիվանդացել են առաջիկա վեց ամսվա ընթացքում կամ առաջիկա 72 ժամվա ընթացքում անցել են կորոնավիրուսի համար վճարովի PCR թեստ ու ունեցել բացասական արդյունք։