ԴՆԹ-ի հետ աշխատանքնի նոր եղանակը մշակվել է վերջերս` Կոլումբիայի Համալսարանի հետազոտողների և գենոմի ուսումնասիրության Նյու-Յորքի կենտրոնի մասնագետների համատեղ ջանքերի շնորհիվ։ Այս տեխնոլոգիան կարելի է կիրառել տարբեր ոլորտներում։ Սակայն, առաջին տեղում ուռուցքային բջիջների հետ կատարվող փորձարարական աշխատանքներն են։
Գիտնականները նոր ծրագրային ապահովման եղանակ են մշակել։ Այն աշխատում է MinION— ի վրա, որը նախատեսված է մանրադիտակային ծակոտիներով ԴՆԹ-ի շղթաները քաշելու և նուկլեոտիդային հաջորդականությունները կարդալու համար: Այն կրեդիտ քարտի չափսի է և արժե 1100 դոլար: Քանի որ սարքը շատ փոքր է և օգտագործման համար դյուրին, այն կարող է օգտագործվել նաև մանրէներ և վիրուսներ ուսումնասիրելու համար: Սակայն, սարքն ունի սխալի բարձր հավանականություն և ցածր արագություն, ուստի նախկինում այն անհնար էր օգտագործել մարդկային բջիջների վերլուծության համար:
Հիմա գիտնականները գտել են ելքը: Նրանք առաջարկել են շահեկան տարբերակ. real time ռեժիմով կարելի է ուսումնասիրել մարդու ԴՆԹ-ն. նոր ծրագրային ապահովմամբ` MinION-ի ճշգրտությունը հնարավորինս բարձր կլինի, գրեթե կատարյալ: Մեր գենոմը եզակի է այն բանի շնորհիվ, որ յուրաքանչյուր մարդու նուկլեոտիդները տարբերվում են մյուսինից: Սարքն իր ուշադրությունը կենտրոնացնում է դրանց վրա: Դրանից հետո ստացված տարբերակների համադրությունը համեմատվում են այլ հնարավոր գենետիկ պրոֆիլների հետ:
Այս ամբողջ պրոցեսը կոչվում է «գենետիկ էսքիզի» ստեղծում։ Տեղեկատվական բազան համալրվում է տնային թեսթավորման հավաքագրմամբ։ Տարիների ընթացքում հետազոտության համար անհրաժեշտ ժամանակը կրճատվում է։ Օրինակ, պրոյեկտը ստեղծողի ԴՆԹ ճանաչման համար անհրաժեշտ է եղել ընդամենը մի քանի րոպե։
Ըստ առկա տվյալների` այս ծրագրի համար դուրս գրված գումարի շուրջ 30%-ը (մինչև 28 միլիարդ դոլար) յուրաքանչյուր տարի կորչում է։
Տնային պայմաններում կիրառվող ԴՆԹ-թեսթերի կիրառմանը մարդիկ տարբեր ձևով են արձագանքում։ Գիտնականները ողջունում են այս նախաձեռնությունը, քանի-որ համալրվում է տվյալների բազան։
Իսկ այ ԱՄՆ սենատոր Չակ Շումերը կտրականապես դեմ է տրամադրված։ Նա գտնում է, որ այս տվյալները կարող են վաճառվել երրորդ անձի։