Համացանցում հայտնվել է մի տեսանյութ, որտեղ ոստիկանները ձեռնաշղթաներ են անցկացնում քաղաքացիների դաստակներին և նրանց գետնին տապալելով` խցկում ոստիկանական մեքենաներ։
Վեճի պատճառը եղել է Ալիխանյան եղբայրներ փողոցում բարձրահարկ շենքի կառուցումը (հայտնի է որպես «Ֆիզգորոդոկ»): Տեղի բնակիչները պնդում են, որ շինարարությունն ապօրինի է և պահանջում են հանդիպում Երևանի քաղաքապետ Հայկ Մարությանի հետ:
Արդյունքում վեճը վերաճեց ոստիկանների հետ ծեծկռտուքի, մի քանի ցուցարարներ ձեռնաշղթաներով տեղափոխվեցին ոստիկանական բաժանմունք: