Պատռված ջինսով, փորը կամ կուրծքը բաց արգելվում է մտնել ԱԺ. ArmLur.am

Խորհրդարանի ղեկավարությունը լրագրողների աշխատանքը «կարգավորելուց» հետո, պարզվում է հիմա էլ անցել է աշխատակազմին «կարգի» բերելու գործընթացին: ArmLur.am-ի ԱԺ աշխատակազմին մոտ կանգնած աղբյուրները փոխանցում են, որ աշխատակազմը նոր հրահանգ է «իջեցրել»:

Ղեկավարությունը դիմել է ՀՀ Պետական պահպանության ծառայությանը՝ հայտնելով, որ այսուհետ հետևեն խորհրդարան մուտք գործող աշխատակիցների հագուկապին: ՊՊԾ աշխատակիցները պետք է արգելեն աշխատակիցների  մուտքը խորհրադարան ջինսե կիսատաբատներով, պատռված ջինսերով, փորը կամ կուրծքը բաց շապիկով կամ շրջազգեստով:

Այսինքն ՊՊԾ աշխատակիցները պետք է այսուհետ թողնեն իրենց գլխավոր գործառույթը ու անընդհատ հետևեն, թե ով ինչ է հագնում, արդյոք այն «բաց» է, թե «փակ»:

Ու զուգահեռ պետք է ՊՊԾ-ականները լրագրողներին հսկեն, որ հանկարծ չհամարձակվեն խորհրդարանի այն տարածքում լինել, որը հայրենի խորհրդարանի ղեկավարությունը սահմանել է «արգելված գոտի»: Այնպիսի տպավորություն է, որ խորհրդարանում փորձում են, ինչ որ լավ բան անել, բայց դա ոչ մի կերպ չի ստացվում:

 

 

Թողնել մեկնաբանություն