ՀՀ ԱԱԾ նախկին պետ, ԱԺ պատգամավոր Արթուր Վանեցյանն այսօր հրապարակել է Apple ընկերության կողմից իրեն ուղղված նախազգուշացնող նամակը, որում մասնավորապես ասվում է.
«ԶԳՈՒՇԱՑՈՒՄ. պետության կողմից հովանավորվող հարձակվողները, հնարավոր է, թիրախավորել են Ձեր iPhone-ը
Apple-ը կարծում է, որ Դուք դառնում եք պետության կողմից հովանավորվող հարձակվողների թիրախ, որոնք փորձում են հեռահար միանալ Ձեր Apple ID-ին, որը գրանցված է a.vanetsyan@gmail.com էլ-հասցեով։ Այս հարձակվողները, ամենայն հավանականությամբ, թիրախավորում են Ձեզ՝ հաշվի առնելով Ձեր ով լինելը և իրականացրած գործունեությունը։ Եթե Ձեր սարքը վտանգված է պետության կողմից հովանավորվող հարձակվողների կողմից, նրանք կարող են հեռահար մուտք գործել Ձեր անձնական տվյալներ, հաղորդակցություններ կամ նույնիսկ տեսախցիկ և խոսափող: Թեև, հնարավոր է, որ սա կեղծ ահազանգ է, խնդրում ենք լրջորեն վերաբերել այս նախազգուշացմանը:
Apple-ը խորհուրդ է տալիս անհապաղ կատարել հետևյալ գործողությունները.
• Ստացեք փորձագետների օգնություն, ինչպիսին է արագ արձագանքման անվտանգության օգնությունը, որը տրամադրվում է Digital Security Helpline ՊՈԱԿ-ի կողմից: Դուք կարող եք կապվել նրանց հետ օրը 24 ժամ, շաբաթը յոթ օր հետևյալ կայքի միջոցով՝ accessnow. org/help։
Պետության կողմից հովանավորվող հարձակվողները շատ լավ ֆինանսավորվող են։ Նրանց հարձակումները զարգանում են ժամանակի ընթացքում: Հետազոտողները և լրագրողները հրապարակայնորեն փաստագրել են նման հարձակումները հանրահայտ Cloud ծառայությունների դեմ, ներառյալ iMessage-ը, ինչպես նաև Facebook Messenger-ը, Gmail-ը, Signal-ը և WhatsApp-ը: Պետության կողմից հովանավորվող որոշ հարձակումներ ձեզանից որևէ փոխազդեցություն չեն պահանջում, իսկ մյուսները հիմնված են ձեզ խաբելու վրա՝ էլ.փոստին, SMS-ի կամ այլ հաղորդագրության մեջ ուղակելով ակտիվ հղում կամ կցված ֆայլ, որի վրա սեղմելը կամ ֆայլը բացելը կարող է վնասակար լինել։ Այս փորձերը կարող են բավականին համոզիչ լինել՝ սկսած կեղծ փաթեթների հետագծման թարմացումներից մինչև հատուկ մշակված, զգացմունքային կոչեր, որոնք պնդում են, որ ընտանիքի անունը վտանգված է: Զգույշ եղեք ձեր ստացած բոլոր հղումներից և մի բացեք որևէ հղում կամ հավելված անսպասելի կամ անհայտ ուղարկողների կողմից:
Պետության կողմից հովանավորվող հարձակվողները բարդ են և, հավանաբար, կփորձեն հարձակվել Ձեզ վրա Apple-ի հետ չառնչվող այլ ուղիներով, սարքերով և հաշիվներով: Փորձագետները կարող են լավագույն խորհուրդները տալ Ձեզ կոնկրետ հանգամանքների համար, բայց եթե չեք կարողանում կապ հաստատել փորձագետի հետ, հաշվի առեք հետևյալ լրացուցիչ նախազգուշական միջոցները.
Մենք չենք կարող տրամադրել լրացուցիչ տեղեկություններ այն մասին, թե ինչն է ստիպել մեզ ուղարկել ձեզ այս ծանուցումը, քանի որ դա կարող է օգնել պետության կողմից հովանավորվող հարձակվողներին հարմարեցնել իրենց գործողությունները՝ ապագայում հայտնաբերումից խուսափելու համար: Apple-ի սպառնալիքների վերաբերյալ նման ծանուցումները երբեք չեն պահանջի Ձեզ սեղմել որևէ հղում, տեղադրել հավելված կամ պրոֆիլ, տրամադրել Ձեր Apple ID գաղտնաբառը կամ հաստատման կոդը էլփոստով կամ հեռախոսով:
Որպեսզի ստուգեք՝ Apple-ի սպառնալիքի ծանուցումը իսկական է,թե ոչ, մուտք գործեք appleid . apple . com։ Եթե Apple-ը Ձեզ սպառնալիքի ծանուցում է ուղարկել, այն հստակ տեսանելի կլինի էջի վերևում մուտք գործելուց հետո: Խնդրում ենք չպատասխանել այս ծանուցմանը: Մենք չենք կարող վերահսկել այս հաղորդագրության արձագանքները: