Ռուս զինվորականները ոչնչացրել են ԱՄՆ-ից և եվրոպական երկրներից Ուկրաինա ուղարկված զենքի և տեխնիկայի մեծ խմբաքանակ։ Այս մասին շաբաթ օրը՝ մայիսի 21-ին, հայտարարել է ՌԴ ՊՆ պաշտոնական ներկայացուցիչ , գեներալ-մայոր Իգոր Կոնաշենկովը։
Նրա խոսքով, Ուկրաինայի Զինված ուժերի համար նախատեսված զենքերը վերացվել են Ժիտոմիրի շրջանի Մալինի երկաթուղային կայարանի տարածքում։ Հարվածը իրականացվել է բարձր ճշգրտության, հեռահար ծովային «Կալիբր» հրթիռներով:
Ավելի վաղ՝ մայիսին, հաղորդվել էր , որ ԱՄՆ նախագահ Ջո Բայդենը մտադիր է ևս 100 միլիոն դոլար ռազմական օգնություն հատկացնել Ուկրաինային։ Որպես նոր փաթեթի մաս՝ ԱՄՆ իշխանությունները նախատեսում են Կիև տեղափոխել հակատանկային հրետանային մարտկոցների և լրացուցիչ ծանր զինամթերքի ռադարներ։
Մինչ այս բրիտանական իշխանությունները հայտարարել էին նաեւ ռազմական օգնության շրջանակում Ուկրաինա նոր զինատեսակներ ուղարկելու մտադրության մասին։ Մասնավորապես, Լոնդոնը հայտարարել է Կիև հեռահար հրետանի, հականավային հրթիռներ և անօդաչու սարքեր տեղափոխելու պատրաստակամության մասին։