Ռուսաստանի պաշտպանության նախարար Սերգեյ Շոյգուն «Բանակ -2021» միջազգային համաժողովի շրջանակներում՝ հանդիպում է ունեցել Սաուդյան Արաբիայի Թագավորության պաշտպանության փոխնախարար Խալեդ Բեն Սալման Ալ-Սաուդի հետ:
Բանակցությունների ընթացքում զրուցակիցները քննարկել են երկրների միջև հարաբերությունների զարգացման հեռանկարները:
«Մենք հավատարիմ ենք ռազմական և ռազմատեխնիկական ոլորտներում երկկողմ համագործակցության առաջընթաց զարգացմանը ՝ փոխադարձ հետաքրքրություն ներկայացնող հարցերի ողջ սպեկտրով»,- ասել է Շոյգուն հանդիպման ժամանակ։ Այդ մասին գրում է մամուլի ծառայությունը:
Շոյգուն ընդգծել է, որ ռազմական գերատեսչությունների միջև կառուցողական երկխոսությանը նպաստում են երկու պետությունների ղեկավարների վստահելի և հարգալից հարաբերությունները:
Ռուսաստանի Դաշնության պաշտպանության նախարարի, Ռուսաստանի պաշտպանության փոխնախարար Ալեքսանդր Ֆոմինի և Թագավորության պաշտպանության փոխնախարարի ներկայությամբ՝ Սաուդյան Արաբիայի արքայազն Խալեդ բին Սալմանը ստորագրել է Ռուսաստանի Դաշնության կառավարության և Սաուդյան Արաբիայի թագավորության կառավարության միջև ռազմական համագործակցության մասին համաձայնագիր: