ՖԻԴԵ-ն Ռուսաստանին զրկել է 2022 թվականի շախմատի համաշխարհային օլիմպիադան հյուրընկալելուց
Շախմատի միջազգային ֆեդերացիան (ՖԻԴԵ) հրաժարվել է 2022 թվականին Ռուսաստանում կայանալիք շախմատի համաշխարհային օլիմպիադան ընդունելուց։ Այս մասին հայտնում է РИА Новости-ն։
Որոշման մասին հայտնի է դարձել ուրբաթ՝ փետրվարի 25-ին։ Այժմ կազմակերպության ղեկավարությունը զբաղված է մրցաշարը հյուրընկալող այլ երկրի փնտրտուքով։ Հնարավոր տարբերակներ դեռ չեն նշվում:
2022 թվականի շախմատի համաշխարհային օլիմպիադան պետք է անցկացվեր Խանտի Մանսիյսկում` հուլիս-օգոստոս ամիսներին։
Ավելի վաղ հաղորդվել էր բասկետբոլի Եվրալիգայի որոշման մասին՝ Ռուսաստանում նախատեսված հանդիպումները տեղափոխել երկրից դուրս։ Խաղերի անցկացման նոր վայրը դեռ որոշված չէ։