ՀՀ Կառավարության այսօրվա նիստում ընդգրկված 68 հարցերից 65-ը չզեկուցվող են և միայն 3` զեկուցվող:
Զեկուցվող հարցերի շարքում անդրադարձ է կատարվել նաև ստեղծվող հակակոռուպցիոն կոմիտեի նախագահի պաշտոնում Սասուն Խաչատրյանի նշանակմանը։
Մրցութային խորհուրդը առաջադրված երեք թեկնածուներից` Սասուն Խաչատրյան, Գառնիկ Թորոսյան և Դավիթ Մկրտումյան, ընտրել էր ՀՔԾ պետ Սասուն Խաչատրյանին։
Հանրության շրջանում խոսվում է այն մասին, որ հենց նա էլ պետք է ընտրվեր, քանի-որ հանդիսանում է Հայաստանում Բաց Հասարակության Հիմնադրամի (Սորոսի հիմնադրամ) փոխնախագահ Դավիթ Խաչատրյանի եղբայրը։
Հիշեցնենք, որ Սասուն Խաչատրյանը 2018 թվականի հունիսից հանդիսանում է Հատուկ քննչական ծառայության պետը և նոր պաշտոնի անցնելու առնչությամբ կազատի այդ բազկաթոռը։