07.09.2021թ.

Հարգելի՛ տիկին Ավանեսյան,

Համաձայն ՀՀ առողջապահական գերատեսչության ղեկավար կազմի (այդ թվում նաև Ձեր) հայտարարությունների` հոկտեմբերի 1-ից ՀՀ աշխատող քաղաքացիները պետք է.

• Կամ պատվաստվեն կորոնավիրուսային վարակի դեմ

• Կամ 14 օրը մեկ ներկայացնեն առավելագույնը 72 ժամվա ՊՇՌ թեսթավորման բացասական պատասխան

• Կամ ներկայացնեն պատվաստմանը հակացուցում հանդիսացող հիվանդության/վիճակի առկայության մասին փաստաթուղթ

• Կամ լինեն ուսանող

• Կամ լինեն հղի

Անշուշտ հանրության շրջանում առաջացել է բողոքի ալիք, հատկապես այն իմաստով, որ ՊՇՌ թեսթավորումը քաղաքացին պետք է կատարի սեփական գրպանի հաշվին։

Հաշվի առնելով վերոգրյալը` առաջարկում ենք սոց. փաթեթի շահառու խմբերի հիվանդանոցային եվ արտահիվանդանոցային պայմաններում իրականացվող հատուկ եվ դժվարամատչելի ախտորոշիչ հետազոտությունների ցանկին ավելացնել նաև 14 օրը մեկ ՊՇՌ թեսթավորման հետազոտությունը։