«ՏաԹևեր» ճոպանուղու հոսանքազրկման պատճառով օդում մնացած 2 վագոններից տարհանվել է 42 ուղեւոր` հայտնում են ՀՀ ԱԻՆ ծառայությունից։
«Էլեկտրաէներգիայի խափանման պատճառով օդում 2 վագոն էր մնացել, մեկում` 15 ուղեւոր եւ մեկ ուղեկցորդ, մյուսում` 25 ուղեւոր եւ մեկ ուղեկցորդ: Նրանց բոլորին իջեցրել են արդեն, նրանք անվտանգ պայմաններում են գտնվում»:
Ինչպես ավելի վաղ հայտնել էր SHAMSHYAN.com-ը, այսօր՝ օգոստոսի 8-ին, արտակարգ դեպք է տեղի ունեցել Սյունիքի մարզում։ «ՏաԹևեր» ճոպանուղում էլեկտրաէներգիայի խափանման պատճառով մոտ 70-ից ավելի քաղաքացիներ մնացել էին ճոպանուղու խցիկների մեջ։ Նշված վայր էին ժամանել Արտակարգ իրավիճակների նախարարության փրկարար ծառայության Սյունիքի մարզային փրկարարական վարչության աշխատակիցները, որպեսզի օդում մնացած քաղաքացիներին տարհանեն։