Տաշքենդում՝ ուզբեկ-թուրքական բիզնես ներկայացուցչական ժողովի շրջանակներում՝ ստորագրվեց 25 փաստաթուղթ՝ 679 միլիոն դոլար ընդհանուր արժողությամբ։ Այդ մասին տեղեկացրել է Ուզբեկստանի ներդրումների և արտաքին առևտրի նախարարությունը։
«Ներկայացուցչական ժողովի աշխատանքների վերջնարդյունքում ստորագրվել է 25 փաստաթուղթ` 679 միլիոն դոլար արժողությամբ, այդ թվում՝ 10 ներդրումային նախագծի իրականացում՝ 14,7 միլիոն դոլար արժողությամբ և 15 առևտրական պայմանագրի իրականացում՝ 165,2 միլիոն դոլար արժողությամբ» ,- ասվում է ծանուցման մեջ։
Բիզնես-ներկայացուցչական ժողովը տեղի է ունեցել հունիսի 28-ին։ Մասնակցել են Ուզբեկստանի փոխվարչապետ Սարդոր Ումուրզակովը և Թուրքիայի փոխնախագահ Ֆուաթ Օքթայը, ինչպես նաև բազմաթիվ պաշտոնյաներ և երկու երկրների գործարար շրջանակներից՝ 250 ներկայացուցիչ։
Մասնակիցները քննարկել են Ուզբեկստանում ձեռներեցության աջակցության, ներդրումային միջավայրի, հարկային բարեփոխումների հետ կապված խնդիրներ։ Երկու երկրների պատվիրակությունների ղեկավարներն ակտիվ փոխգործակցության կոչ են արել գործարարներին։