Ուկրաինացի երեխաների կեսից ավելին տեղահանվել է իր բնակավայրերից։ Սա կարող է երկարաժամկետ հետևանքներ ունենալ ապագա սերունդների համար. ՅՈՒՆԻՍԵՖ-ի տնօրեն
Ռուս-ուկրաինական հակամարտությունից մեկ ամիս անց ավելի քան 10 միլիոն մարդ` Ուկրաինայի բնակչության գրեթե մեկ քառորդը, դարձել է ներքին տեղահանված,- հայտնում է ՄԱԿ-ի մամուլի ծառայությունը։
Պատերազմը կործանարար ազդեցություն ունեցավ առողջապահական համակարգի վրա։ Հումանիտար իրավիճակը շարունակում է վատթարանալ։ Ուկրաինայի քաղաքացիները պարբերաբար ռմբակոծվում են՝ տուժելով հիվանդանոցների, դպրոցների, բնակելի շենքերի և այլ քաղաքացիական ենթակառուցվածքների գնդակոծությունից:
Ուկրաինայում մոտ 7 միլիոն մարդ դարձել է ներքին տեղահանվածներ։ Մոտ 4 միլիոն ուկրաինացի փախել է հարևան երկրներ։ Սա նշանակում է, որ երկրի յուրաքանչյուր չորրորդ բնակիչը հարկադիր միգրանտ է։
Միգրացիայի միջազգային կազմակերպության (ՄՄԿ) տվյալներով՝ յուրաքանչյուր երրորդ ներքին տեղահանված անձը տառապում է այս կամ այն քրոնիկական հիվանդությամբ։
Ուկրաինայում մեկամսյա պատերազմի հետևանքով 4,3 միլիոն երեխա տեղահանվեց՝ երկրի մոտ 7,5 միլիոն երեխաների կեսից ավելին: Նրանց թվում են ավելի քան 1,8 միլիոն երեխաներ, ովքեր տեղափոխվել են հարևան երկրներ որպես փախստական, և 2,5 միլիոն երեխաներ, ովքեր ներկայումս ներքին տեղահանվածներ են Ուկրաինայի տարածքում:
Երկրորդ համաշխարհային պատերազմից հետո աշխարհն այսքան կարճ ժամանակահատվածում չէր տեսել երեխաների նման լայնածավալ տեղաշար։
«Սա մռայլ հանգրվան է, որը կարող է երկարաժամկետ ազդեցություն ունենալ ապագա սերունդների համար: Երեխաների անվտանգությունը, բարեկեցությունը և հիմնական ծառայությունների հասանելիությունը վտանգի տակ են՝ շարունակվող սարսափելի բռնության պատճառով»,- ասել է ՅՈՒՆԻՍԵՖ-ի գործադիր տնօրեն Քեթրին Ռասելը: