Հունվարի 1-ին Իրանի արտաքին գործերի նախարար Հուսեյն Ամիր Աբդուլլահյանը և Եմենում Իրանի կողմից աջակցվող հուսիթների խոսնակ Մուհամմեդ Աբդուսսալամը քննարկել են երկկողմ հարաբերությունները և տարածաշրջանային հարցեր:
Իրանի արտգործնախարարության գրավոր հայտարարության համաձայն՝ Աբդուլլահյանը հանդիպել է պաշտոնական այցի շրջանակներում Թեհրանում գտնվող Աբդուսսալամի հետ։
Հայտարարության մեջ նշվում է, որ Աբդուլլահյանն ու Աբդուսսալամը քննարկել են երկկողմ հարաբերությունները և տարածաշրջանային հարցեր։
Աբդուլլահյանը նշել է, որ Իրանը աջակցում է Եմենում խաղաղության հաստատմանը և, այս համատեքստում, գոհ է Եմենի և Սաուդյան Արաբիայի միջև բանակցությունների առաջընթացից։
Հայտարարելով, որ Իրանը միշտ աջակցել է Եմենի ժողովրդի կամքին ու ցանկությանը, Աբդուլլահյանը շնորհակալություն է հայտնել հուսիթներին` Պաղեստինի ժողովրդին աջակցելու համար։
Շնորհակալություն հայտնելով Իրանին «դիմադրության ճակատին» շարունակական քաղաքական աջակցության համար՝ Աբդուսսալամն իրանցի նախարարին տեղեկացրել է Եմենում տիրող իրավիճակի և երկրում խաղաղության հաստատմանն ուղղված ջանքերի մասին։
Դեկտեմբերի 31-ին Աբդուսսալամը հանդիպել է Իրանի ազգային անվտանգության բարձրագույն խորհրդի գլխավոր քարտուղար Ալի Աքբար Ահմադիանի հետ։