Իսրայելը համաձայնել է Գազայի հատվածում առաջարկված զինադադարի պայմաններին։ Այս մասին հայտնում է Reuters-ը ։
Նշվում է, որ այժմ պաղեստինյան կողմից պատասխան է սպասվում։ «Եգիպտական աղբյուրը պնդում է, որ Իսրայելը համաձայնել է Գազայում առաջարկվող զինադադարին , Կահիրեն պատասխան է սպասում Պաղեստինից»,- ասվում է զեկույցում։
Օգոստոսի 7-ի առավոտյան Maan գործակալությունը, վկայակոչելով Գազայի առողջապահության նախարարության տվյալները, հայտնել է, որ Գազայի հատվածի հարավային նահանգներում իսրայելական ավիահարվածների զոհերի թիվը հասել է 29 զոհի և 253 վիրավորի։
Երուսաղեմի և Թել Ավիվի մերձակայքում հնչել են հրետակոծության մասին ահազանգող օդային ազդանշաններ։ Օգոստոսի 5-ի ուրբաթ երեկոյից «Իսլամական ջիհադի» զինյալները Գազայի հատվածից առնվազն 380 հրթիռ են արձակել Իսրայելի ուղղությամբ։