Դանիացի գիտնականները հայտնաբերել են նոր վտանգավոր մուտացիա SARS-CoV-2 օմիկրոն տարբերակի սպիտակուցում։ Հետազոտության արդյունքները հրապարակված են զեկույցում։
Մուտացիան ստացել է H78Y անվանումը, այն հայտնաբերվել է ORF3a սպիտակուցում, որը պատասխանատու է հիվանդի բջիջներում բորբոքային պրոցեսների համար։ BA.2 շտամի նոր տարբերակը, որը նաև կոչվում է «գաղտնի օմիկրոն», կարող է նույնիսկ ավելի վարակիչ լինել, քան վիրուսի նախորդ տարբերակները, նույնիսկ նրանց համար, ովքեր պատվաստվել են, ասում են փորձագետները: Բացի այդ, շատ PCR թեստեր չեն կարողանում հայտնաբերել այն: Այս պահին Դանիայում դեպքերի մոտ 24 տոկոսը պայմանավորված է BA.2-ով։
«Եթե խոսենք ORF3a-ի մասին, ապա այս վիրուսային գենի ֆունկցիոնալ նշանակությունը լիովին բացահայտված չէ», — « Իզվեստիայի» դանիական թղթակցին մեկնաբանել է գենետիկ Դմիտրի Պրուսը:
Ավելի վաղ վիրուսաբան և Մոսկվայի ֆիզիկատեխնիկական ինստիտուտի գենոմային ճարտարագիտության լաբորատորիայի ղեկավար Պավել Վոլչկովը հայտնել էր, որ ինքը կանխատեսել էր նոր SARS-CoV-2 գերշտրամի ի հայտ գալը։ Գիտնականի կարծիքով՝ վիրուսի նոր տարբերակը պետք է հայտնվի կորոնավիրուսի նկատմամբ զրոյական հանդուրժողականություն ունեցող երկրներում, ինչպիսիք են Չինաստանը կամ Հարավային Ասիան։