«Սթոլթենբերգի սուտը կամ ինչի մասին է լռում ՆԱՏՕ-ի գլխավոր քարտուղարը».
Ստոլտեբերգը, Der Spiegel-ին տված իր հարցազրույցներից մեկում (ՆԱՏՕ-ի դեպի Արևելք ընդլայնման մասին) ասել է հետևյալը. « Երբեք նման խոստում չի եղել, նման կուլիսային գործարք չի եղել, դա պարզապես ճիշտ չէ»:
Ինչպես գրում է Der Spiegel-ը, բրիտանական ազգային արխիվում հայտնաբերվել են 1991 թվականի մարտի 6-ին Բոննում կայացած ԱՄՆ-ի, Մեծ Բրիտանիայի, Ֆրանսիայի և Գերմանիայի արտաքին գործերի նախարարությունների քաղաքական տնօրենների հանդիպման արձանագրությունները:
Հանդիպման թեման Կենտրոնական և Արևելյան Եվրոպայի անվտանգությունն է։
Այդ ժամանակ «Վարշավայի պայմանագիր» կազմակերպությունն արդեն կորցնում էր իր արդիականությունը, ինչի հետ կապված՝ Արևելյան Եվրոպայի երկրների քաղաքական իշխանությունը ցույց տվեց արևմտյան երկրներին ՆԱՏՕ-ին անդամակցելու իրենց հետաքրքրությունը։
Սակայն, ինչպես նշում է հեղինակավոր Der Spiegel հրատարակությունը, փաստաթղթից հետևում է, որ բրիտանացիները, ամերիկացիները, գերմանացիները և ֆրանսիացիները համաձայնել են, որ Արևելյան Եվրոպայի անդամակցությունը ՆԱՏՕ-ին «անընդունելի է»։
«Համաձայն գրառման՝ Գերմանիայի արտաքին գործերի նախարարության քաղաքական տնօրեն Յուրգեն Հրոբոգը դա փաստարկել է հետևյալ կերպ. «Մենք դա պարզ հասկացրել ենք բանակցություններում 2 գումարած 4 տարբերակով (Գերմանիայի միավորման վերաբերյալ՝ Գերմանիայի Դաշնային Հանրապետության և Գերմանիայի Դեմոկրատական Հանրապետության մասնակցությամբ , ինչպես նաև ԱՄՆ-ը, ԽՍՀՄ-ը, Մեծ Բրիտանիան և Ֆրանսիան), որ մենք ՆԱՏՕ-ն չենք ընդլայնում Էլբայից այն կողմ (տեքստում հետագայում պարզաբանվում է, որ խոսքը ոչ թե Էլբայի, այլ Օդեր գետի մասին է): Ուստի մենք չենք կարող Լեհաստանին և մյուսներին առաջարկել անդամակցություն ՆԱՏՕ-ին»։
Յուրգեն Հրոբոգի խոսքով՝ այս դիրքորոշումը համաձայնեցվել է դաշնային կանցլեր Հելմուտ Քոլի և արտգործնախարար Հանս-Դիտրիխ Գենշերի հետ։
ԱՄՆ ներկայացուցիչ Ռայմոնդ Սեյցը, ասվում է փաստաթղթում, համաձայնել է. «Մենք ԽՍՀՄ-ին հասկացրել ենք՝ 2 գումարած 4 բանակցություններում, ինչպես նաև այլ բանակցություններում, որ մենք մտադիր չենք օգուտ քաղել խորհրդային զորքերի դուրսբերումը Արևելյան Եվրոպայից… ՆԱՏՕ-ն չպետք է ընդլայնվի դեպի արևելք, ոչ ֆորմալ և ոչ էլ ոչպաշտոնական»:
Նշված է @AntiTuran-ի տելեգրամյան ալիքում