Twitter-ի օգտատերերին վրդովեցրել է Մեծ Բրիտանիայի վարչապետի թեկնածու Լիզ Թրասի հայտարարությունը միջուկային զենք օգտագործելու պատրաստակամության մասին և ծափահարությունները, որոնցով դահլիճը ողջունել է նրա խոսքերը։
Ելույթ ունենալով Բիրմինգհեմում՝ Թրասը խոստովանել է, որ անհրաժեշտության դեպքում կարող է սեղմել միջուկային հրթիռներ արձակելու կոճակը, իսկ այն հարցին, թե ինչպես իրեն կզգար նման պահին, նա պատասխանել է, որ պատրաստ է դա անել։
Շատ մեկնաբաններ սարսափեցին այդ խոսքերից և հանդիսատեսի արձագանքից։ Նրանք մեղադրում են Թրասին անզգայության և չհասկանալու մեջ, որ միջուկային մարտագլխիկների օգտագործումը կարող է հանգեցնել աշխարհի կործանմանը։