Մեծ Բրիտանիան, ԱՄՆ-ը, ԵՄ-ն և Կանադան համակարգված պատժամիջոցներ են սահմանել Մինսկի դեմ` Բելառուսի և Եվրամիության սահմանին միգրացիոն ճգնաժամի, ինչպես նաև երկրում բռնաճնշումների պատճառով։ ԵՄ-ի համար սա պատժամիջոցների հինգերորդ փաթեթն է փախստականների ճգնաժամի ֆոնին։ ԱՄՆ ֆինանսների նախարարությունը սև ցուցակում ավելացրել է բելառուսական խոշոր ընկերություններ և նախագահի որդիներից մեկին՝ Դմիտրի Լուկաշենկոյին։
ԱՄՆ պատժամիջոցների ցանկում են «Belarusian Potash Company», «Transaviaexport», «Slavkali» և «Beltechexport» ընկերությունները, «Agat-Electromechanical Plant» ԲԲԸ, «Agrorozkvit» ՍՊԸ, «140 Repair Plant», «Kidma Tek» ԲԲԸ, GardService, Peleng կազմակերպությունները, պետական ձեռնարկություն Tsentrkurort-ը, Նախագահական սպորտային ակումբը և երեք բելառուսական ինքնաթիռ:
Պատժամիջոցները վերաբերել են նաև 20 մարդու. Բելառուսի նախագահ Դմիտրի Լուկաշենկոյի երկրորդ որդուն (զբաղեցնում է Նախագահի սպորտային ակումբի կենտրոնական խորհրդի նախագահի պաշտոնը և Բելառուսի ազգային օլիմպիական կոմիտեի անդամ է); Ներքին գործերի նախարարության կազմակերպված հանցավորության և կոռուպցիայի դեմ պայքարի գլխավոր տնօրինության պետ Անդրեյ Պարշինը; Բելառուսի ՆԳՆ մամուլի քարտուղար Օլգա Չեմոդանովայի ամուսինը՝ Դենիս Չեմոդանովը. Ներքին գործերի փոխնախարար Դմիտրի Կորզյուկը; Պետական սահմանային կոմիտեի ղեկավար Անատոլի Լապոն; նրա առաջին տեղակալ Իգոր Բուտկևիչը և տեղակալներ Սերգեյ Նովիկովը և Իգոր Պեչենը; Բելառուսի տափօղակով հոկեյի ֆեդերացիայի նախկին նախագահ, Ազգային ժողովի Հանրապետության խորհրդի անդամ Դմիտրի Բասկովը և այլք։
Թե ով է հայտնվել ԵՄ պատժամիջոցների տակ, դեռ չի հաղորդվում։ Լրատվամիջոցների տվյալներով՝ սև ցուցակում կարող են հայտնվել հանրապետության արտաքին գործերի նախարարության պաշտոնական ներկայացուցիչ Անատոլի Գլազը, ինչպես նաև «Բելավիա», «Բելոռուսնեֆտ», «Գրոդնո ազոտ» և «Բելշինա» ընկերությունները։ Պատժամիջոցներն ուժի մեջ կմտնեն հենց այսօր՝ դեկտեմբերի 2-ին, հրապարակվեն ԵՄ պաշտոնական ամսագրում։
