«Քաղաքացիական պայմանագիր» խմբակցության առաջադրած թեկնածու Ալեն Սիմոնյանն ընտրվեց Ազգային ժողովի նախագահ։ Նրա թեկնածությանը կողմ է քվեարկել 71 պատգամավոր: Ընդդիմությունը քվեարկությանը չի մասնակցել:
Նույն պաշտոնի համար «Հայաստան» խմբակցությունն առաջադրել էր կալանավայրում գտնվող, Մեղրիի նախկին քաղաքապետ Մխիթար Զաքարյանի թեկնածությունը, իսկ «Պատիվ ունեմ»-ը` Արթուր Սարգսյանինը, ով նույնպես կալանավորված է։
Եվ քանի-որ ընդդիմությունը բոյկոտել էր սույն քվեարկությունը, վերջին երկու թեկնածուները ստացել են զրոյական ձայն։
Այսպիսով, նիստը վարող Կնյազ Հասանովը ողջագուրվելով շնորհավորեց Ալեն Սիմոնյանին` ստանձնած պաշտոնի կապակցությամբ։
