Հայաստանի օլիմպիական հավաքականի մեկ անդամի և պատվիրակության մի քանի անդամների մոտ COVID-19-ի թեստը դրական է եղել։
Այս մասին armenpress-ին հայտնեց Հայաստանի դահուկային սպորտի ֆեդերացիայի նախագահ Գագիկ Սարգսյանը։ Նա, ներկայացնելով ստեղծված իրավիճակը, ասաց, որ պատվիրակության անդամները Պեկին մեկնելուց երեք օր առաջ COVID-19-ի թեստ են հանձնել։
«Այսպիսով, մենք պարտվեցինք Օլիմպիական խաղերում։ Եթե նույնիսկ մի քանի օրից թեստը բացասական լինի, մենք չենք կարողանա հասնել դեպի Պեկին թռիչքի հետ կապված խնդիրների պատճառով։ Թիմերը Օլիմպիական խաղեր են ուղարկվում չարտերային թռիչքներով, վերջին թռիչքը եղել է հունվարի 31-ին։ Մենք խնդրել ենք ՀՕԿ-ին ինչ-որ կերպ մեր դահուկորդին ուղարկել Պեկին, որի մեկնարկը նախատեսված է փետրվարի 12-ին»,- ասաց Սարգսյանը։
Այս պահին Պեկինում են Հայաստանի հավաքականի անդամները՝ դահուկորդներ Միքայել Միքայելյանը, Կատյա Գալստյանը, Անգելինա Մուրադյանը և մարզիչներներ Արթուր Միքայելյանն ու Ալլա Միքայելյանը։
Պատվիրակությունը գլխավորում է ՀԱՕԿ-ից Արմեն Գրիգորյանը։