Կրեմլի խոսնակ Դմիտրի Պեսկովը մեկնաբանել է Աֆղանստանի Փանջշիր նահանգի իրադարձությունները, որտեղ թալիբները սկսել են վերջին անվերահսկելի տարածքի պաշարումը: Պեսկովի խոսքով ՝ այս թեման քննարկվել է ՀԱՊԿ արտահերթ նիստում:
Նրա խոսքով, հանդիպման մասնակիցները եկել են այն եզրակացության, որ Աֆղանստանում իրավիճակը կարող է հանգեցնել քաղաքացիական պատերազմի, որը լրացուցիչ սպառնալիքներ է ներկայացնում ողջ տարածաշրջանի համար:
«Իհարկե, ոչ ոք չի պատրաստվում միջամտել այս իրադարձություններին»,- հավելել է Պեսկովը:
Նա նաև նշել է, որ Մոսկվան մտադրություն չունի միջնորդել հակամարտության կողմերի միջև. «Այդ մասին խոսք չկա»:
Ռուսաստանի Անվտանգության խորհրդի քարտուղար Նիկոլայ Պատրուշևը հեռախոսազրույց է ունեցել ԱՄՆ նախագահի՝ ազգային անվտանգության գծով օգնական Ջեյքոբ Սալիվանի հետ: Կողմերը խոսել են անվտանգության ոլորտում ռուս-ամերիկյան համագործակցության մասին:
Ինչպես նշել է ՌԴ Անվտանգության խորհրդի ապարատի մամուլի ծառայությունը՝ նրանք հատուկ ուշադրություն են դարձրել տեղեկատվական անվտանգության ոլորտում երկկողմ համագործակցությանը: Նրանք մտքեր են փոխանակել նաև Աֆղանստանում տիրող իրավիճակի վերաբերյալ։ Այդ մասին տեղեկացնում է Interfax-ը:
ՌԴ փոխվարչապետ Յուրի Բորիսովը հայտարարել է, որ Ռուսաստանը կարող է արտոնյալ պայմաններով զենք և սարքավորումներ մատակարարել Աֆղանստանին սահմանակից Հավաքական անվտանգության պայմանագրի կազմակերպության երկրներին: Նրա խոսքով՝ դա անհրաժեշտ է հանրապետության հետ սահմանների ամրապնդման համար, որտեղ տեղի է ունեցել պետական հեղաշրջումը:
«Մենք կանենք ամենը, ինչ անհրաժեշտ է մեր հարավային սահմաններն ամրապնդելու համար, ներառյալ այն, ինչ դուք եք ասել։ Հնարավոր է», — ասել է Բորիսովը: