ԱՄՆ արտաքին գործերի նախարարությունը հրահանգել է ոչնչացնել ցանցային սարքավորումները և համակարգչային աշխատատեղերը, ինչպես նաև ապամոնտաժել դեսպանատան հեռախոսային համակարգը, հայտնել են աղբյուրները։ Թերթը նաև վերանայել է գործակալության ներքին զեկույցները և եզրակացրել, որ Կիևում դեսպանատունն այժմ դարձել է անօգտագործելի որպես դիվանագիտական հաստատություն:
Ռուսաստանի կողմից Ուկրաինա մոտալուտ ներխուժման մասին լուրերի ֆոնին ԱՄՆ իշխանությունները որոշել են ժամանակավորապես Ուկրաինայում իրենց դեսպանատունը Կիևից Լվով տեղափոխել: Դիվանագիտական վարչությունը նաև որոշել է տարհանել դեսպանատան աշխատակիցներին երկրից, ինչը Պետդեպարտամենտի ղեկավար Էնթոնի Բլինկենը անվանել է «խոհեմ միջոց՝ հակամարտությունների սրման բարձր ռիսկի ֆոնին»։
Ուկրաինայի նախագահ Վլադիմիր Զելենսկին որոշ դեսպանատների տեղափոխումն Արևմտյան Ուկրաինա որակել է որպես մեծ սխալ։