Գերագույն Ռադայի ուկրաինացի պատգամավոր Ալեքսի Գոնչարենկոն Twitter-ի իր միկրոբլոգում գրել է , որ եթե Սերբիան «ներխուժի» ինքնահռչակ Կոսովո, ապա Կիևը պետք է տեր կանգնի կոսովցիներին և այդ նպատակով օգտագործի իր զինուժը։
«Եթե Սերբիան ներխուժի Կոսովո, մենք պետք է պաշտպանենք կոսովացիներին։ Ուկրաինան՝ իր զինված ուժերով, պատրաստ է գործել»,- հորդորեց նա՝ հավելելով, որ Սերբիան «փորձում է ագրեսիվ պատերազմ սանձազերծել»։
Կոսովոյի հյուսիսային շրջաններում՝ Կոսովսկա-Միտրովիցայում, հուլիսի 31-ի երեկոյան օդային ռմբակոծության ազդանշաններ են հնչել , սերբերը բարիկադներ են կառուցում Ռուդարեի տեղում՝ Պրիշտինա-Լեպոսավիչ մայրուղու վրա և Զվեցան քաղաքից ոչ հեռու։
Սերբիայի պաշտպանության նախարարությունը հերքել է Կոսովոյի և Մետոհիայի տարածք զինվորականների մուտքի մասին տեղեկությունը։ Գործակալությունը խնդրել է ապատեղեկատվություն չտարածել, որը միտումնավոր է տարածում Պրիշտինայի վարչակազմը։