«Փաստարկ» լրատվականը շտապ տեղեկատվություն է ստացել Արցախից։
Մեր աղբյուրների փոխանցմամբ ժամեր առաջ թեժ մարտեր են ընթացել Արցախի Հանրապետության մի քանի ուղղությամբ. Քըրքքըզի և Շըռլանի բարձունքների համար։ Այս պահին փոխհրաձգությունը շարունակվում է։
Ըստ մեր աղբյուրների` հայկական կողմը վիրավորներ և զոհ ունի։ Դիրքային փոփոխություն այս պահին չկա։
Հայկական կողմին թույլ չի տրվել Բերձոր քաղաքից դուրս բերել քաղաքի հրապարակում տեղադրված արձանը։
Մինչ զինվորականները փորձում են պաշտպանել Արցախի պետական սահմանը և Լաչինի միջանցքի անցանելիությունը` Ղ-տելեկոմ ընկերությունը Բերձորից դուրս է բերում իր սեփականություն հանդիսացող սյուներն ու լարերը։
Հիշեցնենք, որ հայկական կողմը այս օրերին Արցախից դուրս է բերում իր զորքը։
Նյութը տարածելիս աղբյուրին հղումը պարտադիր է.