Ուզբեկստանի սոցիալ-դեմոկրատական Ադոլաթ (Արդարություն) կուսակցությունն առաջարկել է ամբողջությամբ արգելափակել TikTok սոցիալական ցանցը երկրում, հայտնում է Anadolu-ն։
«Մենք պետք է ուժեղացնենք քրեական պատասխանատվության միջոցները, ամբողջությամբ արգելափակենք բջջային հավելվածները ինտերնետում, որոնք ավելի շատ վնաս են հասցնում, քան օգուտ, օրինակ TikTok-ը», — ասվում է կուսակցության չորեքշաբթի օրը Adolat կայքում տեղադրված հայտարարության մեջ:
Այն նաև նշում է, որ չնայած ամբողջ երկրի սահմանափակումներին, TikTok-ի օգտատերերը կարող են մուտք գործել սոցիալական ցանց VPN հավելվածների միջոցով։
Ավելի վաղ Milliy Tiklanish (Ազգային վերածնունդ) դեմոկրատական կուսակցության առաջնորդ Ալիշեր Կադիրովը առաջարկ էր արել երկրում արգելափակել TikTok-ը։