Ադրբեջանի նախագահը նշել է, որ Բաքուն ցանկանում է հարաբերությունները կարգավորել Երևանի հետ` տարածքային ամբողջականության երկկողմանի ճանաչման հիման վրա` գրում է ՏԱՍՍ-ը։
Ադրբեջանի նախագահ Իլհամ Ալիեւը հայտարարել է Հայաստանի վարչապետ Նիկոլ Փաշինյանի հետ հանդիպելու պատրաստակամության մասին, երբ վերջինս պատրաստ լինի դրան:
«Ես պատրաստ եմ և արդեն հայտնել եմ իմ դիրքորոշումը: Եթե հայկական կողմը պատրաստ է, ես` նույնպես: Մենք ունեցել ենք մեկ հանդիպում, որը տեղի ունեցավ այս տարվա սկզբին եռակողմ ձևաչափով `Ռուսաստանի նախագահի հրավերով:
Ալիևը նշել է, որ սա շատ կարեւոր է: «Քանի որ մենք դեռ տեսնում և լսում ենք հայտարարություններ, որոնք վկայում են Հայաստանի քաղաքական հաստատությունում ռևանշիզմի փորձերի մասին, պատմականորեն և միջազգային իրավունքի հիման վրա մեզ պատկանող տարածքների վերագրավման հետագա ծրագրերի կառուցման փորձերի մասին», — ընդգծեց նա: Նրա կարծիքով, Հայաստանի կառավարությունը պետք է վճռական կամք ցուցաբերի, քանի որ «ոչ միայն խոսքերը, հայտարարությունները, այլև գործողությունները ցույց կտան, որ պատերազմն ավարտված է», և սկսվել է «առաջընթաց դեպի խաղաղ ժամանակաշրջան»:
Ալիեւն ասել է, որ Ադրբեջանը ցանկանում է «նորմալ հարաբերություններ հաստատել Հայաստանի հետ` երկու երկրների տարածքային ամբողջականության փոխադարձ ճանաչման հիման վրա»:
«Մենք պատրաստ ենք անմիջապես սկսել սահմանների սահմանազատումը: Մենք նաև հայտարարել ենք Հայաստանի հետ ապագա խաղաղության համաձայնագրի շուրջ աշխատանքը սկսելու պատրաստակամության մասին», — ասաց նա ՝ հավելելով որ Երեւանը մինչ այժմ դրական չի արձագանքել այս նախաձեռնություններին: