ՀՀ նախագահ Արմեն Սարգսյանի հրամանագրով Վազգեն Սարգսյանի անվան ռազմական համալսարանի պետ Խաչատուր Խաչատրյանն ազատվել է զբաղեցրած պաշտոնից։
«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 40-րդ հոդվածի 1-ին մասի 11-րդ կետի.
Խաչատուր Խաչատրյանին ազատել Հայաստանի Հանրապետության պաշտպանության նախարարության Վազգեն Սարգսյանի անվան ռազմական համալսարանի պետի պաշտոնից», — նշված է նախագահի հրամանագրում։
«Փաստարկ» լրատվականին հասած տեղեկություններով այդ պաշտոնին նշանակվելու է պատերազմի ժամանակ «համբավ» ձեռք բերած Արծրուն Հովհաննիսյանը։ Տեղեկատվությունը ճշտվում է։