Աշխատանքային այցով Հայաստան ժամանած Ռուսաստանի Դաշնության և Բելառուսի նոտարական պալատների ներկայացուցիչները նոյեմբերի 5-ին այցելել են Հայոց ցեղասպանության հուշահամալիր։
Այդ մասին հայտնում է Հայոց ցեղասպանության թանգարան-ինստիտուտը։
Հյուրերին ողջունել է Հայոց ցեղասպանության թանգարան-ինստիտուտի գիտական աշխատանքների գծով փոխտնօրեն Էդիտա Գզոյանը։ Հուշահամալիրի ստեղծման պատմությունը պատմել է Հայոց ցեղասպանության թանգարանի էքսկուրսավար Լուսինե Թունյանը:
Հայաստան ժամանած հյուրերը ծաղիկներ դրեցին Անմար կրակի մոտ և մեկ րոպե լռությամբ հարգեցին Հայոց ցեղասպանության անմեղ զոհերի հիշատակը։ Նրանք եղել են նաև Հայոց ցեղասպանության թանգարանում, ծանոթացել մշտական և ժամանակավոր ցուցադրություններին։