Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանը կարծում է, որ Հայաստանը պետք է պատրաստ լինի Հայաստանի և Ադրբեջանի միջև սահմանազատման և սահմանագծման հարցերին, ինչպես նաև ճանապարհների բացման բանակցություններին և քննարկմանը։
Ինչպես հայտնում է @armenpress-ը, «Միջանցք, թե՞ ճանապարհ: Ինչպիսի՞ն պետք է լինի Հայաստանի դիրքորոշումը» թեմայով նոյեմբերի 6 փորձագիտական քննարկման ժամանակ: Ստեփան Գրիգորյանը նշեց, որ այս գործընթացին զուգահեռ ոչ մի դեպքում չպետք է անտեսել Ադրբեջանի սխալները:
«Ադրբեջանը խախտել է միջազգային նորմերը, հետևաբար զուգահեռ պետք է ընթանան դատական պրոցեսներ։ Մենք պետք է մշտապես աշխատենք ժողովրդավարական երկրների հետ։ Ինչպես գիտեք, Բայդենը Հայաստանին հրավիրել է մասնակցելու ժողովրդավարական աշխարհի գագաթնաժողովին։ Իմ կոչն է` անպայման խոսել այս ֆորումում` աշխարհին ճշմարտությունը ներկայացնելու համար:
Այո, Ադրբեջանի նկատմամբ պետք է պատժամիջոցներ կիրառել պատերազմ սանձազերծելու համար (Արցախյան վերջին պատերազմը), Լեռնային Ղարաբաղի զանգվածային ռմբակոծության, հանցագործությունների համար, բայց միևնույն ժամանակ մենք պետք է պատրաստ լինենք խոսելու » ասաց Գրիգորյանն: