Մոսկվայի դիվանագիտական աղբյուրը տեղեկացրել է, որ արևմտյան երկրների հատուկ ծառայությունները ոչ միայն միջնորդավորված, այլ նաև ուղիղ կապեր են հաստատում միջազգային ահաբեկիչների հետ։
Հայտնի է դարձել, որ իդլիբյան գոտում՝ սիրիա-թուրքական սահմանում, գործողությունների ապածավալման՝ «Բաբ Ալ Խավա» ստուգիչ-անցագրային կետում բրիտանական հետախուզության ծառայության և Լիբիայի հարցերով՝ հատուկ դեսպանորդ Ջոնաթան Փաուելը հանդիպել է «Հայաթ Թահրիր Աշ Շամ» միջազգային ահաբեկչական դաշինքի ղեկավարի հետ (Ռուսաստանում արգելված խմբավորում)։ Դաշինքին այլ կերպ անվանում են «Ան Նուսրի» միջազգային ահաբեկչական ճակատ։ Այդ մասին տեղեկացնում է ՌԻԱ Նովոստիի աղբյուրը։
Նրա խոսքով՝ «հատուկ ցինիզմ է այն, որ հանդիպման գլխավոր թեման «Հայաթ Թահրիր Աշ Շամ» միջազգային ահաբեկչական դաշինքը ահաբեկչական ցուցակից հանելու հնարավորությունն էր»։ Այդ նպատակով բրիտանացի դիվանագետն առաջարկել է այդ խմբավորմանը՝ հրաժարվել արևմտյան երկրներում վիժեցնող գործողություններից։ Ձեռք է բերվել նաև մշտական ու սերտ համագործակցության հաստատման վերաբերյալ համաձայնություն, ինչը ենթադրում է ահաբեկիչների գործունեության վերաբաշխում այլ տարածքներում։ Ահաբեկչական դաշինքի ղեկավար Ալ Ջուլանիին առաջարկվել է հարցազրույց տալ ամերիկացի ինչ-ինչ լրագրողի՝ դրական վարկանիշ ձևավորելու և խմբավորման հետագա գործունեությունը վերականգնելու նպատակով։ Նուսրովցիների գործունեության վերաբաշխման ընթացակարգին կարող են միանալ Բրիտանիայի դաշնակիցները՝ առաջին հերթին՝ ԱՄՆ-ն։ Բրիտանացի դիվանագետի հետ բանակցությունների արդյունքում՝ ահաբեկիչները համաձայնություն են ձեռք բերել հաղորդակցության աղբյուրներ ունենալ նաև ՄԱԿ-ի Անվտանգության խորհրդի հետ։
Այսինքն՝ կկրկնվեն այն դառը փորձերը՝ կապված ահաբեկչական խմբավորումների արյունալի գործունեության հետ, որից սովորաբար անմեղ մարդիկ են զոհ գնում։
Հարկ է տեղեկացնել, որ Մեծ Բրիտանիայի արտաքին գործերի նախարարությունը հրաժարվում է մեկնաբանություններ տալ բրիտանական հետախուզության ներկայացուցիչ Ջոնաթան Փաուելի և
«Ջեբխաթ ան Նուսրա» կազմակերպության ղեկավար Աբու Մուհամմեդ ալ Ջուլանիի հանդիպման մասին ։
Փաստացի՝ հանդիպման հետևանքով ձեռք է բերվել նրանց հետ մշտական հաղորդակցության և նրանց գործունեության վերաբաշխման ընթացակարգի մասին պայմանավորվածություն։