Բժիշկ Զաքար Խոջաբաղյանն իր ֆեյսբուքյան էջում գրում է.
Նիկոլ Փաշինյանը նման է անհույս ղումարբազի, որին թեթև «կուտ տալով» ու խաբելով նստեցնում են խաղալու՝ սկզբից մի փոքր հաջողության իմիտացիա ապահովելով իր համար, իսկ հետո՝ սկսում են քամել մինչև վերջ, հաշվի առնելով, որ անհույս ղումարբազներին բնորոշ է մինչև վերջ թպրտալ ու տանուլ տալ հնարավոր ամեն բան, միայն թե գոնե մի փոքր հաղթանակի պատրանք ունենան, որ իրենց չկայացած գոյությունը և չունեցած ինքնասիրությունը իբրև թե փրկեն։
Էդ տեսակը մինչև վերջ պատրաստ է տանուլ տալ՝ հույս ունենալով, որ գուցե վերջում հանկարծ բախտը կբերի։ Դրանք էժան ու պրիմիտիվ մանիպուլյատորներ են, մանր շուլլերներ, որոնց թվում է, թե իրենց փնթի խուլիգանությունները աննկատ են մնում խոշոր խաղացողների համար։ Էդ էն տեսակն է, որն ի վիճակի է պարտվել անգամ տունը, կնոջը, երեխային, ամեն, ամեն ինչ, միայն թե իր գոյություն չունեցող եսը եւ դատարկ ամբիցիաները բավարարելու մի թուլափայ ստանա։