Եվրամիությունը որոշել է նոր պատժամիջոցներ կիրառել Բելառուսի նկատմամբ՝ կապված Ռուսաստանին տրամադրվող աջակցության հետ։ Այս մասին հայտնել են ԵՄ-ում նախագահող Ֆրանսիայի իշխանությունները։
Բելառուսի դեմ նոր պատժամիջոցները հաստատվել են ԵՄ անդամ երկրների ներկայացուցիչների հանդիպման ժամանակ։
Մասնավորապես, ԵՄ պատժամիջոցների ցանկում են բելառուս պաշտոնյաները և բելառուսական բանակի մի շարք զինծառայողներ, ովքեր մասնակցել են ռուս-ուկրաինական հակամարտությանը։ Այդ անձանց ունեցվածքը սառեցվել է և սահմանվել է ճանապարհորդության արգելք։
Պատժամիջոցների տակ կհայտնվեն նաև Բելառուսի տնտեսության փայտանյութի, մետալուրգիական և պոտաշի ոլորտները։