Հայաստանի Հանրապետության վարչապետի պաշտոնակատար Նիկոլ Փաշինյանը ստորագրել է որոշում՝ Մոսկվա կառավարական պատվիրակություն ուղարկելու վերաբերյալ։ Պատվիրակությունը պետք է բանակցություններ վարի Հայաստանի արևելյան սահմանների առանձին հատվածներում ռուսական 102-րդ ռազմական հենակայանի տեղաբաշխման վերաբերյալ։ Ենթադրվում է, որ ՌԴ զինծառայողներն իրենց հսկողության տակ կառնեն Սյունիքի և Գեղարքունիքի մարզերի առանձին տարածքներ, որտեղ ներխուժեցին ադրբեջանական զորքերը։
Երևանից պատվիրակությունը Ռուսաստանի մայրաքաղաք կուղևորվի հուլիսի 1-ին։ Մոսկվայում կկայանա հայ-ռուսական միջկառավարական հանձնաժողովի 13-րդ նիստը։Հունիսի 24-ին հայկական ԶԼՄ-ները տեղեկացնում են, որ Ռուսաստանին կփոխանցվեն առանձին հողատարածքներ՝ ռուսական 102-րդ ռազմական հենակայանի տեղաբաշխման նպատակով։
Հայաստանի կառավարությունը մայիսի 27-ին որոշում է ընդունել հանրապետության Սյունիքի մարզի Կապան քաղաքի, Մեղրիի և Տեղ գյուղի առանձնացված հողամասերն անհատույց հանձնել Ռուսաստանի Դաշնության սահմանապահ վարչությանը: Տեղական համայնքները հողամասերը նվիրել են ՀՀ կառավարությանը, իսկ ՀՀ կառավարությունն իր հերթին հանձնելու է Ռուսաստանի Դաշնային Հանրապետության սահմանապահ վարչությանը: Որոշումն ընդունվել է ՝ կապված Հայաստանի հարավարեւելյան սահմանների պաշտպանությունն ուժեղացնելու անհրաժեշտության հետ: