Ֆրանսիայի նախագահ Էմանուել Մակրոնն ադրբեջանցի գործընկեր Իլհամ Ալիևին իր նամակով առաջարկել է թեթևացնել ՅՈՒՆԵՍԿՕ- ի՝ կրթության, գիտության և մշակույթի առաքելության մուտքը Արցախ։ Այդ մասին այսօր տեղեկացրել է Ադրբեջանի նախագահի մամուլի ծառայությունը։
«2020թ նոյեմբերի 9-ի՝ Եռակողմ հայտարարության ստորագրումից 6 ամիս անց, որը վերջ դրեց մահացու ճակատամարտերին Արցախում, անհրաժեշտ է շարունակել խորքային աշխատանքը՝ կայուն խաղաղության պայմաններ ստեղծելու համար»,- նշել է Մակրոնը Ալիևին անվանագրած նամակում։
Ֆրանսիայի ղեկավարը, ի թիվս այլ իրողությունների, ակնկալում է Հայաստանի և Ադրբեջանի խաղաղ սահմանագծում և սահմանազատում, ինչպես նաև գերիների ազատ արձակում, որպեսզի միանան իրենց ընտանիքներին։
«Կարևոր է նաև պահպանել տարածաշրջանի ժառանգության ողջ զանազանությունը։ Այդ առնչությամբ առաջարկում եմ թեթևացնել կազմակերպության մուտքը Արցախ»,- ասվում է ուղերձում։
Վերոհիշյալ բոլոր հարցերը Էմանուել Մակրոնը քննարկել է Հայաստանի վարչապետի ժ/պ պաշտոնը զբաղեցնող Նիկոլ Փաշինյանի հետ, ով Փարիզ էր այցելել հունիսի 1-ին։
Ըստ որում՝ Երևանը բազմիցս հայտարարել է այն մասին, որ հայկական մշակութային և պատմական հուշարձանները, որոնք գտնվում են Ադրբեջանի զինուժի հսկողության տակ, այժմ ոչնչացման սպառնալիքի տակ են։