Հունաստանի վարչապետ Կիրյակոս Միցոտակիսը հայտարարել է, որ 60 տարեկանից բարձր մարդիկ, ովքեր չեն պատվաստվել կորոնավիրուսի դեմ, ամեն ամիս կտուգանվեն 100 եվրոյով։ Որոշումն ուժի մեջ կմտնի հունվարի 16-ից։
Կիրյակոս Միցոտակիսը հայտնել է, որ Հունաստանում 60-ից բարձր տարիքի չպատվաստվածների թիվը 580 հազար է։
Ընդգծելով, որ կորոնավիրուսով պայմանավորված Covid-19 հիվանդության հետևանքով իրենց կյանքը կորցրածների մեծ մասը եղել են 60 տարեկանից բարձր և չպատվաստված մարդիկ՝ Միչոթակիսը հայտարարել է, որ չնայած բոլոր կոչերին՝ 60 տարեկաններից բարձր միայն 60 հազար մարդ է պատվաստվել են անցյալ ամիս։
«Այդ պատճառով մեզ համար անխուսափելի է դարձել որոշ կտրուկ միջոցների ձեռնարկումը»,- ասաց Միչոտակիսը` կրկնելով իր կոչը, որպեսզի 60 տարեկանից բարձր բոլորը պատվաստվեն մինչև տարեվերջ:
Չպատվաստված 60 տարեկանից բարձր մարդկանցից հավաքվելիք գումարը փոխանցվելու է կարիքավոր հիվանդանոցներին։