Ազգային ժողովի այսօրվա օրակարգը հագեցած էր հետաքրքիր և կարևոր նախագծերով։ Սակայն, առավել հետաքրքիր էին պատգամավորների ժամանակավոր պաշտոնակատարների քննարկումներն ու քվեարկությունները։
Մասնավորապես, ԱԺ անկախ պատգամավոր Տիգրան Ուրիխանյանն առաջարկել էր «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում կատարել փոփոխություն։ Պատգամավորն առաջարկել էր.
- Հայաստանի Հանրապետության Ազգային ժողովի պատգամավորների պատգամավորական գործունեության հետ կապված ծախսերը յուրաքանչյուր պատգամավորի համար սահմանել ամսական 50000 դրամի չափով, որոնց բաշխման կարգը սահմանվում է օրենքով:
- 2. Սույն օրենքի 11-րդ հոդվածի 1-ին մասի համաձայն տրամադրվող գումարները տրամադրվում են 2020 թվականի սեպտեմբերի 27-ից Ադրբեջանի Հանրապետության կողմից Արցախի Հանրապետության ուղղությամբ սկսված պատերազմական գործողություններին մասնակցության հետևանքով 1-ին կարգի հաշմանդամություն ձեռք բերած անձանց:
Այսինքն, պատգամավորների ժպ-ներն իրենց բարձր աշխատավարձից յուրաքանչյուր ամիս պետք է 50.000 դրամ փոխանցեին պատերազմի ժամանակ հաշմանդամ դարձած տղաների բուժման ծախսերի համար։
Ինչպես և սպասելի էր ներկա Ազգային ժողովի պատգամավորների ժպ-ներից, նրանց մեծամասնությունը դեմ քվեարկեց օրենքին։ Այլ կերպ ասած, Ազգային ժողով աշխատանքի գնացող անձինք չցանկացան օգնել Հայրենիքի պաշտպանության համար իրենց առողջությամբ վճարած տղաներին։
Կողմ է քվեարկել ընդամենը 3 պատգամավոր, դեմ` 67-ը, ձեռնպահ` 5 մարդ։
Անհատական քվեարկությունը ներկայացնում ենք ստորև.
