Պետական եկամուտների կոմիտեի նախագահը բացահայտել է Զանգեզուրի պղնձամոլիբդենային կոմբինատի կոռուպցիոն սխեմայի մանրամասները.
Այն գործել է 2016-2017 թվականներին, երբ ձեռնարկության տնօրենն էր Մհեր Պոլոսկովը։ Պետությունը 30 մլն դոլարի վնաս է կրել, ասաց Ռուստամ Բադասյանը։
ԱՄԷ-ում գրանցված գործարանն ու ընկերությունները սթրիմինգային պայմանագրեր են կնքել։ Խտանյութը վաճառվել է միջանկյալ օղակների միջոցով։ Ընդ որում, հումքը, որի գինը կազմել է 6500 դոլար, միջնորդներին վաճառվել է 2000 դոլարով։
Բադասյանը հիշեցրեց նաև, որ օրենքի համաձայն, եթե վնասի չափն ամբողջությամբ փոխհատուցվի, քրեական հետապնդումը դադարեցվում է։