Թուրքիայի հանրապետական ժողովրդավարական կուսակցության առաջնորդ Քեմալ Քըլչդարօղլուն, նախագահական ընտրություններում կառաջադրվի միայն Ազգային դաշինքի համաձայնությամբ: Օգոստոսի 2-ին հայտնել է Hurriyet Daily News թերթը:
Sözcü հրատարակությանը տված հարցազրույցում Քեմալ Քըլչդարօղլուն հայտարարել է.
— Ժողովրդական միությունից թեկնածուի հետ ամեն ինչ պարզ է, թեկնածուն Էրդողանն է: Իշխող «Արդարություն և զարգացում» և Ազգայնական շարժում կուսակցությունների բոլոր պատգամավորներն անվերապահորեն կհետևեն նրան, քանի որ նրանք սեփական կարծիքները կիրառելու և իրադարձությունները կասկածի տակ դնելու իշխանություն չունեն։Նրանք խորհրդարանում իրենց աթոռների համար պարտական են Էրդողանին … Մենք, մյուս կողմից, ունենք ժողովրդավարություն, ուստի, եթե մենք պատրաստվում ենք նախագահի թեկնածու ընտրել, նախ պետք է միավորվենք որպես դաշինք և քննարկենք … Նախագահության սահմանումը, որ ես տվել եմ, դա այն նախագահի սահմանումն է, որին ձգտում է հասարակությունը: Այդ նախագահն ինքն իր ընտանիքով և ապրելակերպով օրինակ կդառնա հասարակության համար: Քաղաքացիները ցանկանում են այն նախագահին, որին ես նկարագրել եմ: Մենք կստեղծենք ուժեղացված խորհրդարանական համակարգ, և այդ խորհրդարանին կվերադարձվի իր լիազորությունների զգալի մասը: Հետևաբար, ընտրվող նախագահը պետք է ունենա ինքնատիրապետում և հավատարիմ լինի իր խոսքին:
Ազգային դաշինքն իր կազմում ներառում է Հանրապետական ժողովրդավարական կուսակցությունը և Մերալ Աքշեների «Լավ կուսակցությունը»։ Նրանք հանդես են գալիս Աթաթուրքի աշխարհիկ ժառանգության պահպանման օգտին։ Այդ ուժերն առավել ընդունելի են ԱՄՆ-ի և Եվրամիության համար, քան կառավարող կոալիցիան։ Քըլչդարօղլուի կուսակցության տարբերակիչ առանձնահատկությունները նրանց արտաքին քաղաքական դիրքորոշումներն են: Քեմալիստները հանդես են գալիս Բաշար Ասադի հետ հաշտեցման և Թուրքիայի տարածքից սիրիացի փախստականների հայրենիք վերադառնալու օգտին։