Առաջին անգամ ռուս և չինացի զինվորականները համատեղ վարժանքների ժամանակ կիրառել են հրամանատարության և վերահսկման համատեղ համակարգը, որը դրված է ՆԱՏՕ-ի գործունեության առանցքում,- ասվում է South China Morning Post-ի էջերում հրապարակված հաղորդագրության մեջ:
Զորավարժությունների ընթացքում ռուսներն ու չինացիները միավորվեցին և օգտագործեցին ընդհանուր տեխնիկա: Զորավարժությունները տևեցին մեկ շաբաթ: Դրանք տեղի են ունեցել Չինաստանի հյուսիս-արեւմուտքում ՝ Նինգսիա շրջանում: Տեղի ունեցածը թույլ է տալիս ասել, որ Ռուսաստանը և Չինաստանը ձգտում էին փոխգործակցության, ինչը հետագայում կարող է օգտագործվել ընդհանուր թշնամու ՝ Միացյալ Նահանգների դեմ: Չինաստանի Ժողովրդական Հանրապետության պաշտպանության նախարարության չորեքշաբթի ՝ օգոստոսի 11-ին տարածած հայտարարության համաձայն` «ռուսական զորքերը միավորվել են ավելի մեծ չինական զորամավորումներին և իրականացրել են Չինաստանի ազգային-ազատագրական բանակի կողմից ծրագրված գործողությունները»։
Ռուսական զորքերն օգտագործել են զրահափոխադրիչներ, հետևակի մարտական մեքենաներ և չինացիների տրամադրած այլ ռազմական տեխնիկա. Սա ՆԱՏՕ-ի տակտիկայի կիրառման վկայություններից մեկն է:
Վլադիվոստոկի` Հեռավոր Արևելքի դաշնային համալսարանի դոցենտ Արտեմ Լուկինի կարծիքով` Ռուսաստանի և Չինաստանի միությունը «հաշվարկով ամուսնություն» է:
Տնտեսագիտական բարձրագույն դպրոցի ռազմական փորձագետ Վասիլի Կաշինը նշել է, որ Մոսկվան և Պեկինը փորձել են ավելի լավ հասկանալ միմյանց հնարավորությունները։ Դա ՆԱՏՕ-ի չափանիշներից մեկն է: «Ներկա պահին Ռուսաստանը Չինաստանին տրամադրել է այնպիսի հասանելիություն, ինչպիսին իր ամենամտերիմ դաշնակիցներ Բելառուսին ու Ղազախստանին»,- ասաց Կաշինը։
Պաշտոնաթող գնդապետ Յու Գանգը հավելել է, որ չինացիների համար ռուսական բանակը մեծ հետաքրքրություն է ներկայացնում` հաշվի առնելով նրա փորձը Սիրիայում, Ղրիմում և Չենչիայում։ Չինացիները փորձել են հասկանալ նաև ժամանակի ընթացքում ռուսական բանակի ստրատեգիայի փոփոխությունները։