ՌԴ պաշտպանության նախարարությունը հրապարակել է Ուկրաինայում ոչնչացված ռազմական օբյեկտների թիվը

Հատուկ գործողության մեկնարկից ի վեր Ռուսաստանի զինված ուժերը Ուկրաինայում ոչնչացրել են 2998 ռազմական ենթակառուցվածքային օբյեկտներ։ Այս մասին Lente.ru-ին հայտնել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը։

«Ուկրաինայի ռազմական ենթակառուցվածքի օբյեկտներին հասցված հարվածների արդյունքում ոչնչացվել է 2998 ռազմական օբյեկտ»,- ասել է նա։

Կոնաշենկովը մանրամասնել է, որ գործողության ողջ ընթացքում Ուկրաինայի անվտանգության ուժերի կորուստները կազմել են՝ 98 ինքնաթիռ, 110 անօդաչու թռչող սարք, 144 զենիթահրթիռային համակարգ, 88 ռադիոտեղորոշիչ կետ, 1007 զրահամեքենա և տանկ։