Ուխտավորներն ու Արցախի Հանրապետության բնակիչները, ռուս խաղաղապահ զորախմբի ռազմական անձնակազմի ուղեկցությամբ այցելել են Ամարասի և Գանձասարի հայկական հնագույն վանքեր:
«Այսօր մենք ուղեկցեցինք և ապահովեցինք Ամարասի վանք ժամանած ուխտավորների անվտանգությունը` ընդհանուր առմամբ, ավելի քան 50 մարդու», — ասաց խաղաղապահ զորախմբի սպա Մարկ Եգորչիկը: Նրա խոսքերը մեջբերում է ՌԴ ՊՆ մամուլի ծառայությունը:
30 մարդու համար վարչակազմից տրամադրվել են ավտոբուսներ, իսկ մյուսները, ռուս խաղաղապահների ուղեկցությամբ, ճանապարհորդել են անձնական մեքենաներով։
Իսկ Ստեփանակերտից, երկրորդ երթուղով, 40 հավատացյալի ռուս խաղաղապահներն ուղեկցել են դեպի Գանձասար։