Երկիրը խուսափեց մի մեծ ու դժվար սադրանքից, որը կարող էր վերածվել մեծ առճակատման, ասել է Վրաստանի վարչապետը:
Վրաստանի նախկին նախագահ Միխայիլ Սահակաշվիլիի ձերբակալությունը տեղի է ունեցել այն ժամանակ, երբ նա միայնակ գտնվում էր իր գաղտնի բնակարանում` հայտարարել է Վրաստանի վարչապետ Իրակլի Գարիբաշվիլին:
Միխայիլ Սահակաշվիլիին Վրաստանում ձերբակալելու մասին հայտարարվել է ուրբաթ երեկոյան:
«Կառավարությունը տեղեկություններ ուներ Սահակաշվիլիի գտնվելու վայրի մասին, բայց մենք դրանք հատուկ չէինք տարածում, քանի որ մենք օգտագործում էինք սովորական օպերատիվ մարտավարություն, որն անհրաժեշտ էր նման արդյունքի համար», — ասել է Գարիբաշվիլին` «Իմեդի» հեռուստաալիքի եթերում:
Նրա խոսքով ՝ ձերբակալության շնորհիվ երկիրը խուսափեց խոշոր սադրանքից:
Սահակաշվիլին վաղուց հայտարարել էր հոկտեմբերին` տեղական ինքնակառավարման մարմինների ընտրությունների ժամանակ հայրենիք վերադառնալու մտադրության մասին: Վրաստանում նա հետախուզման մեջ է և մի քանի քրեական գործերով հետաքննություն է իրականացվում: Վրաստանի իշխանությունների ներկայացուցիչները բազմիցս հայտարարել են, որ նրան կձերբակալեն սահմանը հատելուն պես:
Միխեիլ Սահակաշվիլին Վրաստանի նախագահի պաշտոնը զբաղեցրել է երկու ժամկետով: Նա Վրաստանից հեռացել է 2013-ի նոյեմբերին և այդ ժամանակից ի վեր չի վերադարձել հայրենիք, չնայած-որ մի քանի անգամ խոստացել էր դա անել: 2015-ին նրան զրկել են Վրաստանի քաղաքացիությունից։ Սահակաշվիլին ավելի քան վեց տարի Ուկրաինայի քաղաքացի է: