Երեկ առավոտյան Ադրբեջանի զինված ուժերը սադրիչ գործողությունների են դիմել եւ հատել պետական սահմանը: Երեկվանից իրադրության էական փոփոխություն չկա եւ իրադրությունը շարունակում է մնալ նույնը: Այս մասին կառավարության նիստում նշեց ՀՀ վարչապետի պաշտոնակատարի աթոռը զբաղեցնող Նիկոլ Փաշինյանը:
«Սև լճի մերձակայքում կան ադրբեջանցի մեծ թվով զինվորներ, բայց ուզում եմ ասել, որ իրադրությունը ռազմական էսկալացիայի չի հասել: Սա նախապես պլանավորված է, քանի որ ադրբեջանցիներն իրենց հետ ունեն կեղծված քարտեզներ», — նշեց նա: