Ամերիկացիների կողմից «Պաշտպանություն Եվրոպային» զորավարժությունների շրջանակներում մեծ քանակությամբ ռազմական տեխնիկայի տեղափոխումը Հունաստանի Ալեքսանդրապոլիս քաղաք կարելի է ազդանշան համարել Ռուսաստանի համար։ Այդ մասին գրում է թուրքական Haber7 թերթը: Նյութը հստակեցնում է, որ ամերիկյան ցամաքային զորքերը վայրէջք են կատարել տարածաշրջանում ահռելի քանակությամբ ամենագնացների, տանկերի և ուղղաթիռների հետ միասին: Զինվորականների և տեխնիկայի վայրէջքը, ինչպես նշվում է, անհրաժեշտ է ռուսական սպառնալիքին դիմակայելու համար: Միևնույն ժամանակ Ալեքսանդրապոլիս հասցված զենքերը հարձակողական են , ոչ թե պաշտպանական, ընդգծեց թուրք լրագրողը:
Թուրք ծովակալ Ջիհաթ Յայջին, Haber7- ին տված հարցազրույցում, կիսվել է իր կարծիքով, որ տարածաշրջան տեղափոխված ռազմական տեխնիկան Հունաստանին պետք չէ և նվիրաբերված տանկերն ու ուղղաթիռները հետագայում կօգտագործվեն ում դեմ կամենան ։ Թուրքիայի զինված ուժերի գլխավոր շտաբի հետախուզության վարչության նախկին ղեկավար Իսմայիլ Հաքի Պեկինն իր հերթին հավելել է, որ Ալեքսանդրուպոլիսի նավահանգիստը ամերիկյան հենակետ է, որտեղից հարմար է սարքավորումներ և զինվորներ ուղարկել Արևելյան Եվրոպա՝ Ռուսաստանի դեմ պայքարի շրջանակներում։
Թուրքական Sabah թերթի մեկնաբան Բերկան Տուտարը նույնպես անդրադարձել է ամերիկյան զորքերին: Նրա կարծիքով, ՆԱՏՕ -ն Ռուսաստանին Հունաստանից մինչեւ Բալթիկ ծով շրջափակելու նախագիծ ունի:ՆԱՏՕ -ի «Պաշտպանություն Եվրոպային» զորավարժություններն ավարտվեցին հուլիսին և ամենալայնածավալն էին վերջին 25 տարիների ընթացքում: Նախատեսվում էր, որ մասնակցելու է մի քանի պետությունների մոտավորապես 28 հազար զինծառայող։ Այս զորավարժությունների ժամանակ նրանք կիրառեցին պաշտպանական և հարձակողական գործողություններ Արևելյան Եվրոպայում և Բալթյան երկրներում: Ի տարբերություն նախորդ տարիների, 2021 թվականին հատուկ ուշադրություն է դարձվել ոչ թե Արևելյան, այլ Հարավարևելյան Եվրոպային: Ռուսաստանի պաշտպանության նախարար Սերգեյ Շոյգուն ընդգծել է, որ Մոսկվան ուշադիր հետևում է Եվրոպայում դաշինքի ուժերի տեղափոխմանը և տեղակայմանը «Պաշտպանություն Եվրոպային» զորավարժությունների շրջանակներում: