Ստորջրյա հրաբխի ժայթքումից Տոկիոյից 1200 կմ դեպի հարավ, Ճապոնական արշիպելագի մոտակայքում ստեղծվել է նոր կիսալուսնաձև ցամաքային տարածք։ Այդ մասին հայտնում է Daily Mail-ը:
Նիջիման, որը նշանակում է «նոր կղզի», ունի մոտ 960 մ երկարություն և գտնվում է Նանպո կղզիների շարքում, որը գտնվում է Ճապոնական արշիպելագի հարավում: Կղզին ձեւավորվել է Ֆուկուտոկու-Օկանոբա ստորջրյա հրաբխի ժայթքման արդյունքում:
Ճապոնիայի օդերևութաբանական գործակալության տվյալներով ՝ հրաբխի ժայթքումը, ավելի քան տասը տարիների ընթացքում, սկսվել է օգոստոսի 13-ի վաղ առավոտյան: Երկու օր անց՝ ճապոնական առափնյա պահպանության աշխատակիցներն առաջին անգամ տեսել են Նիջիման։
Պատմության մեջ Ֆուկուտոկու-Օկանոբան նախկինում «արտադրել» է ևս երեք նոր կղզի: Առաջինը Սին Իվոձիմայի կազմավորումն այն իրադարձությունն էր, որի շնորհիվ 1904 թվականին հետազոտողներն իմացան հրաբխի գոյության մասին: Մյուս երկու կղզիները կազմավորվել են 1914 և 1986 թվականներին: Այնուամենայնիվ, երեքն էլ ի վերջո անհետացան ծովում էրոզիայի պատճառով:
Նիջիմայի պահպանվելն ու չպահպանվելը մեծապես կախված կլինի այն հանգամանքից, թե որքան կտևի ժայթքումը և ինչ կազմ կունենա այս փոքր հողը: Մոխիրը և հրաբխային բեկորները դժվար թե երկար դիմանան ալիքների ազդեցությանը, բայց եթե լավան հոսում է մակերես՝ դրանք կարող են ապահովել կղզու ավելի ամուր ծածկը: Ֆուկուտոկու-Օկանոբայի ժայթքումն առայժմ շարունակվում է: