Ֆինլանդիայի կառավարությունը պաշտոնապես որոշել է դիմել ՆԱՏՕ-ին` անդամակցելու համար։
Այս մասին հայտնում է РИА Новости-ն՝ հղում անելով Ֆինլանդիայի կառավարության հայտարարությանը։
«Ֆինլանդիան կդիմի Հյուսիսատլանտյան դաշինքին անդամակցելու համար՝ խորհրդարանի հետ խորհրդակցելուց հետո», — ասվում է հայտարարության մեջ:
Վարչապետ Սաննա Մարին որոշումը պատմական է անվանել։
Այս հարցի շուրջ քվեարկությունը խորհրդարանում, ամենայն հավանականությամբ, տեղի կունենա մայիսի 17-ին:
Ավելի վաղ Ֆինլանդիայի նախագահ Սաուլի Նիինիստոն հեռախոսազրույցի ժամանակ Ռուսաստանի նախագահ Վլադիմիր Պուտինին ասել էր, որ իր երկիրը մտադիր է միանալ Հյուսիսատլանտյան դաշինքին։
Ֆինլանդիայի պետական ունեցվածքի և ԵՄ-ի հետ կապերի նախարար Տիտտի Թուպպուրայնենն ասել է, որ Ֆինլանդիայի իշխանությունները պատրաստ են Ռուսաստանի կողմից «բոլոր տեսակի տհաճ արձագանքներին»՝ ՆԱՏՕ-ին անդամակցելու երկրի ծրագրերի պատճառով։